«Özümü müdafiə etmək üçün aclıq aksiyası keçirməkdən başqa yolum qalmayıb»

Mahir Abdullayevin hüquqlarının müdafiə komitəsinin rəhbəri Azad Mursəliyev dünəndən aclıq aksiyasına başlayıb. Qeyd edək ki, Azərbaycan Beynəlxalq Univıersitetinin rektoru Elşad Abdullayevin bacısı oğlunun ölkədən çıxmasına qadağa qoyulub. O dünəndən başladığı aclıq aksiyası ildə bağlı tələblərini də bəyan edib.
«2013-ci ilin may ayından 2003-cü ildə oğurlanmış dayım Mahir Abdullayevin aqibətinə aydınlıq gətirmək məqsədi ilə onun hüquqlarının müdafiə komitəsi yaratdım. Hüququ məsələləri həll etmək üçün vəkil Aslan İsmayılovla da müqavilə bağladıq. Prossesə hüquq müdafiə təşkilatlarını da cəlb etdik. Hüquqlarını müdafiə etdiyim digər dayım Elşad Abdullayevlə də müqavilə bağlandı. Bununla da başladıq araşdırma aparmağa və əlaqədar təşkilatlara müraciət etdik. Lakin etdiyimiz müraciətlərə rəğmən bizə qarşı bir laqeyidlik hiss etdik. Xüsusi ilə baş prokurorluğun bu işin açılmasında maraqlı olmadığı üzə çıxdı.
- Rəsmi olaraq sizə bu barədə nə deyildi?
- Heç bir məlumat ala bilmədik. Ümumiyyətlə 2003-cü ildən bu günə kimi dayımla bağlı etdiyimiz onlarla rəsmi müraciətlərə düz əməlli cavab ala bilməmişik. Sadəcə etdiyimiz müraciətə cavab olaraq qısaca onu bildiriblər ki, ərizələri materiallara daxil edəcəyik. Və gələcəkdə sizə bu barədə məlumat veriləcək. Hətta cənab prezidentin göstərişi ilə ötən ilin mart ayında yaranmış müstəqil istintaq komissiyası bu günədək hansı işlə məşğul olması bilinmir. Müstəqil istintaq komissiyasının tərkibinə daxil olan şəxlərin məndə siyahısı da var. Hələlik onların adlarını mətbuata açıqlamağı məqsədə uyğun hesab etmirəm.
- Nə üçün adları açıqlamırsınız?
- Əgər açıqlama versəm onlar öz etirazlarını bildirərlər ki, istintaqın gedişinə niyə mane olursan. Ancaq onu deyə bilərəm ki, istintaqa rəhbərliyi ədliyyə müşaviri Eldar Camalov edir. Ancaq gələcəkdə lazım gələrsə, onların adlarını mətbuata açıqlayacam.
- Rəsmi istintaq komissiyasına alternativ olaraq müstəqil ictimai komissiyası yaratmaq barədə addımlar atılıbmı?
- Belə bir addım atıllmasa da ancaq biz calışdıq ki, cənab prezidentin göstərişi ilə yaradılan müstəqil istintaq komissiyasının tərkibinə ziyalıları, milli məclis üzvləri, hüquqşunasları və etimad göstərdiyimiz digər insanları cəlb edək. Ancaq cox təəssüf ki, buna imkan vermədilər.
- Buna səbəb nə idi. Sizcə Elşad Abdullayevin məlum qalmaqallı açıqlamalarının buna təsiri oldumu?
- Bu tərəfimizdən verilən açıqlamalardan, audio-videolardan demək olar ki, 10% istifadə oluna və ya olunmaya. Ümumiyyətlə, adları çəkilən 10-larla insanların hec biri istintaqa cəlb edilmədi.
- Sizin də Mahir Abdullayevin taleyi ilə bağlı hər hansı versiyanız varmı?
- Ümumiyyətlə informasiyalar kifayət qədər çox olduğundan, artıq çaşqınlıq içərsindəyəm və qərar verməkdə çətinlik çəkirəm o sağdır ya yox. Amma təkcə onu dəqiq bilirəm ki, onun taleyi ilə bağlı heç bir araşdırma aparılmır. Bu gün onun taleyi ilə bağlı yeganə narazı olduğum təşkilat Baş Prokurorluqdur. Çünki bu cinayət işinin araşdırılması ilə onlar məşğuldurlar. Mən müstəqil istintaq komissiyasına da bu barədə məlumat vermişəm. Mənə cıxış əldə edən insanlar bildiriblər ki, sənin dayın filan yerdədir gedək onu gətirək. Prokurorluq bunu araşdırmaq əvəzinə mənim ölkədən çıxışıma-girişimə yasaq qoyur.
- Səbəb kimi nə göstərilir?
- Heç bir əsaslı səbəb göstərilmir. Əvvəllər deyirdilər ki, guya hansısa işdə adın şahid qismində keçir.Mahir Abdullayevin oğurlanması ilə bağlı nə 2003-cü, nə də 2013-cü ildə heç bir izahat verməmişəm. Qanunda elə maddə yoxdur ki, şahid qismində keçən insanın fəaliyyət azadlığı məhdudlaşdırılsın.
- Aclıq aksiyası keçirməklə məqsədiniz və tələbləriniz nədən ibarərdir?
- Əvvələr bildirirdilər ki, sənin adın hansısa məhkəmələrdə və istintaqda keçir. Mən səbrlə prosesin sonun gözlədim. Artıq istintaq və məhkəmə başa çatıb. Gülər Əhmədova və Arzu Kazımovun işi ilə bağlı məhkəmə prosesləri başa çatıb. Artıq şahidlik etməyə məhkəmələr də qalmayıb. Bütün bunlara baxmayaraq mənim fəaliyyət azadlığıma qoyulan məhdudiyyət aradan qaldırılmayıb. Ona görə də ozümü müdafiə etmək rıçaqlarım tükəndiyindən aclıq aksiyası keçirməkdən başqa yolum qalmayıb. Mahir Abdullayevin 10 ildən artıqdır ki, davam edən istintaqı nəticəsiz qalıb. Buna bir aydınlıq gətirilməlidir. Nəhayət iki ay bundan öncə qohumum Elşad Abdullayevin qardaşı oğlu Mübariz Abdullayevi 10 il azadlıqdan məhrum edilməsini əsassız hesab edərək bunu bizə qarşı təzyiq kimi qiymətləndirirəm. Fəaliyyət azadlığımın məhdudlaşdırılmasını girov saxlanmaq kimi qiymətləndirirəm.
Ədalət