Pulunu ala bilməyən 500-dən artıq fəhlə ölkə başçısına müraciət etdi; şirkət rəhbərliyində maxinasiya edənlər ifşa olundu

500-dən artıq fəhlə ölkə başçısına müraciət edib. “Gündəm-xəbər”ə məktub göndərən fəhlələr 8 aydan çoxdur əmək haqlarını ala bilmirlər.

Müraciət müəllifləri - İsayev Əsədxan, Əliyev Namiq, Rəhimov Rövşən, Əliyev Elman, Fətullayev Sadiq, Nuralıyev Araz, İsayev Saməddin və ümumilikdə 139 fəhlə böyük bir korrupsiyanın üstünü açıblar.

Fəhlələr onların pulunu mənimsəyən "Azimpor"t şirkətinin haqsız əməli haqda bütün instansiyalara müraciət ediblər: “Bizim müracəti heç vaxt diqqətdə saxlamayıblar. Banklara kredit borclarımız var, ailəmizin dolanışığının, komunal xərclərin öhdəsindən gələ bilmirik.

Cənab prezident, Bayıl qəsəbəsi tərəfdə "Şanxay” adlanan ərazidə apardığımız təmir və yenidənqurma işlərində bizə çatacaq pulların keçirilən idman oyunlarına xərcləndiyini dilə gətirirlər. Biz bilirik ki, bu yanlışdır. İşin sifarişçisi "SOCAR” olsa da bizimlə danışığı Azimport aparıb. Azimport podratçı təşkilat kimi işi götürüb.

Socarın tikinti üzrə şöbə rəisi Səməd müəllim, bu iş üçün ödənildiyini desə də bizə qəpik quruş ödənilib. Fəhlələrə çatacaq 870.000 manatdan bəhs olunmur. Azər Əsgərov mətbuata açıqlama verib ki bu iş üçün podratçı təşkilat olaraq fəhlələrə maliyyə işləri üzrə müavini Rauf Qasımov tərəfindən 2.200. 000 dən çox pul verdiyini deyir.

Rauf Qasımov isə həmin pulu Əli Əsədov və Azər Əsgərovun şəxsi lahiyələrinə xərclədiyini deyir.

Cənab prezident, daima vətəndaşlarınızın maraqlarını müdafiə etmisiz, korrupsiyaya bulaşan nazır və digər dövlət məmurlarını cəzalandırmısız. Cənab Prezident, sizə and veririk bir olan Allaha bizə kömək edin. 7 aydan çoxdur ki əmək haqlarımızı ala bilmirik”.

Onların sözlərinə görə, şirkət rəhbərliyi fəhlələri adam yerinə qoymur: “Açıq şəkildə deyirlər ki, rədd olun, gözümüzə görünməyin, yaxşı adam olsaydınız, fəhlə niyə olurduz? Pulumuz yoxdur, olanda verəcəyik. Olmayacaq verməyəcəyik, gedin evinizdə oturun, xəbər gözləyin”.

Fəhlələr müraciət etmədikləri instansiyanın qalmadığını deyib. "İşin sifarişçisi SOKAR isə 2. 200.000 dən çox pulun ödənildiyini desə də "Azimport” bizə çatacaq 800.000 manatdan bir qədər çox pulu vermir.

Şirkətin rəhbəri pulu müavini Rauf İsmayılova verdiyini deyir. Rauf İsmayılov isə mənə verilən pulu Azər özünün və Əli adlı bir məmurun şəxsi layihələri üçün xərcləndiyini deyir”.

Fəhlələrdən Əliyev Namiq, Kərimov Səfa, Rəhimov Rövşən, Əliyev Elman, Fətullayev Sadiq, Nuralıyev Araz, İsayev Saməddin və digərləri daha böyük aksiyalara əl atacaqlarını deyir.

Əsədxan İsayev: “Ölkə başçısının korrupsiyaya və dövlət əmlakına qarşı apardığı qətiyyətli işlərin sorağı deyəsən bunlara çatmayıb. Əks halda fəhləni işlədib, balalarının ac qalmasına səbəb olmazdılar.

Bizə çatacaq pul sifarişçi SOCAR tərəfindən tam ödənilsə də, şirkətin sədri Azər Əsgərov, icraçı direktor Raqif müəllim, Layihə rəhbərləri Rauf Qasımov, Rauf İsmayılov və Elsevər Daşdəmirov

tərəfindən mənimsənilib. Bizim ümidimiz ölkə rəhbərinədir. İnanırıq ki, səsimiz ona çatsa bu məsələ də öz həllini tapacaq”.

gundemxeber.az