“Azəriqaz“ İB-nin Qazax qaz istismar idarəsindən verilən məlumatlarla rayon rəhbərliyi aldadılır
Redaksiyamızın elektron poçtuna daxil olan şikayət məktubunda bildirilir ki, Qazax rayon , Qaz İstismar İdarəsinin rəhbərliyi tərəfindən törədilən əməlləri , sözün əsl mənasında soyğunçuluqla müqayisə etmək olar. İdarənin rəhbərliyi Dövlət sifarişlərini yerinə yetirə bilmədiyindən Rayon İcra Hakimiyyətinin Başçısı Ayaz Əsgərova mütamadi olaraq yalan məlumatlar verir.
Qaz istismar idarəsində özbaşnalıq hökm sürür.Şikayət məktubunda bildirilir ki, Qazax Qaz İstismar İdarəsinin rəisi Rasim Zeynalov rayon əhalisinin təbii qazla təmin edilməsi üçün ayrılmış vəsait və materialların davamlı sürətdə mənimsənilməsində ittiham olunur. Belə ki, rayona maye qazın verilməsində, əhali arasında böyük şübhələr var. Abonentləri heçə sayan idarənin rəhbərliyi isə məsələni , texniki problemlərə bağlayır. Şikayətçilərin bildirdiyinə görə, rayonda maye qaz əvəzinə abonentlərə hava satılır.Əlbəttə ittihamlar hələ ki, hüquq mühafizə orqanları tərəfindən deyil , sadə vətəndaşlar tərəfindən irəli sürülür.Bununla belə bu ciddi iradlar heç də əsassız deyildir. Şikayətşilərin ünvanladıqları, məlumatlarda bildirilir ki, idarənin rəisi Rasim Zeynalov mütamadi olaraq Qazax rayonu ərazisində kilometrlərlə ölçülən məsafələrdə qaz borularının yenilənməsi, həmçinin guya ki, görülmüş cari təmir işləri və sairə haqda saxta sənədlər hazırlayaraq yuxarı instansiyalara təqdim edir. Əlavə olaraq məlumatlarda bildirilir ki, rayonun bir sıra kəndlərinə çəkilməsi nəzərdə tutulmuş qaz boruları da Rasim Zeynalovun rəhbərliyi altında satılmışdır.Dövlət sifarişlərii yerinə yetirə bilmədiyindən idarə rəisi Qazax Rayon İcra Hakimiyyətinin Başçısı Ayaz Əsgərova da mütamadi olaraq yalan məlumatlar verir.Mənbənin verdiyi məlumata görə, bir müddət əvvəl Rasim Zeynalov Abşeron Rayon Qaz İstismar İdarəsində rəis müavini vəsifəsində çalışıb. Elə Qazax Rayon Qaz İstismar İdarəsində rəis vəsifəsinə təyinatı Rasim müəllim Abşerondan alıb.Təbii ki, Qazax Qİİ-də rəis vəzifəsi məmurun qarşısında yeni imkanlar açıb. Axı bizdə adətən belə olur , daha yüksək vəzifə məmurlar üçün nədənsə ilk növbədə yeni və daha artıq məsuliyyət yükü ilə deyil, məhz daha çox imtiyazlara cəlbedici olur. Məsələn , belə imtiyazlardan biri kimi rayonun ən böyük kəndlərindən olan Daş Salahlıda açılmış yeni Qaz İstismar Sahəsinə rəis və işçilərin təyinatı prosedurunu göstərmək olar. Məlum olduğu kimi, “Azəriqaz” İstehsalat Birliyi vakant yerlərə işçi qəbulunun test üsulu ilə keçirilən müsabiqələr vasitəsilə həyata keçirildiyi halda , Rasim Zeynalovun bu msələdə mövqeyi bir qədər fəərqlidir. Yəni son nəticədə onun da üsulunu müsabiqə adlandırmaq olar. Lakin bu müsabiqənin əsas şərti kim çox bilir prinsipinə deyil, kimin çox pul verəcəyi prinsipinə əsaslanır. Mənbə iddia edir ki, Qazax Qİİ-nin rəisi Daş Salahlı Qaz İstismar Sahəsinin həm rəis, həm də bütün qalan vəzifələrini açıq satışa çıxararaq satıb. Digər bir tərəfdən isə bu kimi “müsabiqələr” həm də abonentlərin hüquqlarının addım başına pozuntuları ilə müşaiyət olunurlar. Belə ki, müşahidələr və araşdırmalar eyni günə təsadüf etdiyindən onu bildirməliyik ki, arxada qalan avqust ayında demək olar ki, rayonun bir çox kəndlərinə qaz verilməyib. Maye qazın verildiyi günlərdə isə abanentlərə qaz əvəzinə borulardan hava verilib. Əhalinin narazılığına səbəb olan bu məsələni araşdırarkən məlum olur ki, istənilən abonent qazın ventilini açarkən birinci on dəqiqəni gözləməli olur. Çünki, borulardan qaz əvəzinə hava gəlir, bu hal isə saygacın fırlanaraq öz işini abonentlərin maddi ziyanına fırlanmasına səbəb olur. Bu hal hər gün təkrarlandığından hər bir abonent işlətmədiyi maye qazına görə sayğac göstəricilərinə əsasən , ay ərzində iki-üç manat artıq vəsait ödəməsyə məruz qalırlar. Nəzərə alanda ki, Qazaxda ümumilikdə 45-50.000 abonent var və onların hər biri iki-üç manat artıq vəsait ödəyir, belə halda vurma işarəsindən istifadə edərək 100.000 manata yaxın vəsaitin oğurlandığının şahidi oluruq. Demək oğurluq varsa , cinayət də var. Rayona qazın verilməsi vahid qaz sayğacı vasitəsi ilə həyata keçirilir. “Azəriqaz” sayğaca əsasən hər kub metr qaza görə , rayon şöbələrindən israf edilmiş qazın pulunu tələb edir. “Azəriqaz”-dan hansısa xoşagəlməz planın tətbiqi inandırıcı görünmür. Bu problem rayon qaz istismar idarəsində baş verir. Belə ki, qazı kommersiya şirkətlərinə satmaqla , əksər müəssələri qeydiyyatdan kənarlaşdırırlar. Qarşılığında isə həmin iri müəssələrdən nağd şəkildə qeydiyyatdan kənar pullar alınır.Fərq isə göz önündədir. Kommersiya strukturlarına “satılan” maye qazın fərqini, rayona daxil olan mərkəzi sayğaca üyğun bağlamaq üçün, əhaliyə qaz əvəzinə “hava” verməklə, 100.000 manatlıq qazı kompensasiya edirlər. Yoxsa, qazın rayona nəqli “Azəriqaz” tərəfindən dayandırılar və qaz oğruları ifşa olunarlar.Nəzərinizə onu da çatdıraq ki, hazırda rayonun əksər kəndlərində abonentlərə 50-150 manat arasında işlətmədikləri qaza görə əlavə vəsaitlər yazılaraq öhdəliklər yaradılıb.
Qazaxın rayon mərkəzində, bəzi küçələrin sakinləri qazsıs qalıb. Belə ki, Rasim Zeynalovun rəhbərlik etdiyi idarənin əməkdaşları bu evlərin qaz sayğacları ilə təmin olunmasını uzun müddətdir ki, müxtəlif bəhanələrlə qəsdn ləngidirlər. Bu yaxınlarda isə idarənin əməkdaşları , evlərin hər birinə sayğacsız qazdan istifadə etdiklərinə görə 500 manat məbləğində cərimə yazıblar. Təbii ki, yuxarıda qeyd etdiyimiz evlərin sakinləri, araşdırma tələb edirlər.Məhz elə həmin etirazlara görə, Qazax Qİİ-i onların evlərinə qaz veriluşini dayandırıb. Əlbəttə bütün bu ittihamların kifayət qədər ağır olduğunu biz də başa düşürük.Bununla belə etibarlı mənbələrdən aldığımız məlumatlar əsil vəziyyətin daha ciddi olduğunu vurğulayır. Ümid edirik ki, səlahiyyətli orqanlar lazımi araşdırmaları apararaq bütün məsələlərə aydınlıq gətirəcəklər.
Elşad