Məlum olduğu kimi AvroNest PA-nın vitse-prezidenti, AvroNest PA-da Azərbaycan nümayəndə heyətinin rəhbəri Elxan Süleymanov Avropa Parlamentinin 23 oktyabr 2013-cü i tarixli qətnamənin Azərbaycanda keçirilən seçkilərlə bağlı sərgilədiyi mövqeyə etiraz əlaməti olaraq qurumla əlaqəlrənin dayandırdığını bəyan edib.
Məsələ ilə bağlı bizimlə fikirlərini bölüşən AMİP Mərkəzi Şurasının üzvü Əli Orucov Azərbaycan nümayəndə heyətinin AvroNest PA fəaliyyətinin dayandırmasını yersiz və şantaj xarakterli addım kimi qiymətləndirdi: “9 oktyabrda keçirilən prezident seçkilərinə demokratik ictimaiyyətin və nüfuzlu beynəlxaql qurumların, eləcə də ABŞ Dövlət Departamentinin, Böyük Britaniyanın sərt münasibətləri iqtidarı çətin duruma saldı. Onsuz da Avropa qurumları ilə candərdi əməkdaşlıq edən, yaxud da, bu qurumlarda təmsil olunan Azərbaycan əlqələri kəsmək üçün bir bəhanə axtarırdı. Çünki ölkə getdikcə daha çox qapalılaşdırılmağa, özünütədricə meyilləndirilir, daxili narazılıqların beynəlxalq miqyas alınmasının qarşısın alınmasına çalışılır. Odur ki, iqtidar “ən yaxşı müdafiə hücumdur” taktikasından istifadə etməklə beynəlxalq ictimaiyyətin Azərbaycan hakimiyyətinin özbaşınalıqlarına, fudamental hüququların pozulmasına, siyasi rejimin yaratdığı daxili gərginliyə təpkilərini önləyə biləcəyini düşünür. Elxan Süleymanovdan da qabaq belə şantaj dolu, hədə-qorxulu bəyanatlar səsləndirilib. Bu insanlar dövlətin və millətin maraqlarını deyil, illərdən bəri şəxsi və hakimiyyətin maraqlarını güdməklə Azərbaycanı beynəlxalq aləmdən izolyasiya etməkdədirlər”.
Azərbaycanın yeganə cıxış yolu kimi Avrointeqrasiya olunmasında görən AMİP yetkilisi vurğulayıb ki, bu yolda AvroNestin böyük imkanlar yararlanmalı, əməkdaşlığı daha da dərinləşdirmək lazımdır:“Azərbaycanın xarici siyasətində ən böyük boşluq və sistemsizlik ölkənin tutacağı yöndür. ABŞ və Qərb Azərbaycan iqtidarı haqqında bir balaca tənqidi söz deyəndə dərhal istiqamət götürülür Şimala-Rusiyaya, analoji fikirlər Moskvadan səslənəndə yenidə qayıdırlar Avropaya. Olkənin xarici siyasət kursu mövcud siyasi rejimin şəxsi münasibətlərinə uyğun həyata keçirilir. Demokratik dünyada Lukaşenkonun Belarusuna oxşamaq Azərbaycana heç bir fayda gətirməz. Hesab edirəm ki, bu böyda olkənin kiminsə hikkəsinə bağlamaq olmaz. Eləcə də Elxan Süleymanovun.”