AKP milli qüvvələri məhv edib, Türkiyənin dostlarını isə düşmənə çevirib

Qardaş Türkiyə daha bir terror aktı ilə sarsıldı. Bir vaxtlar biz İraqda tez-tez terror aktlarının baş verdiyi barədə xəbərləri oxuyurduq. Hazırda Türkiyə terror hücumlarının intensivliyinə görə İraqı xatırladır. Az qala hər gün qardaş Türkiyənin hansısa bölgəsində terrorçular dinc əhaliyə, polisə, inzibati binalara hücum edir. Onlarla insan qətlə yetirilir. Nədən Türkiyə bu hala gəldi?

Türkiyə qosqoca bir dövlətdir. Bu dövlət yüzillərcə dünyaya hökm etmiş nəhəng şəxsiyyətlər yetişdirib. Dövlətçilik ənənləri zəngin olan Türkiyə niyə indi bir ovuc terrorçunun əlində girinc qalıb. Bunun bir səbəb var. O da bu ki, hazırda Türkiyədə hakimiyyətdə olanların, konkret olaraq, Ərdoğanın düzgün siyasət aparmamasıdır. Ərdoğanın siyasəti nəticəsində Türkiyənin dünyanın əksər güclü dövlətləri ilə münasibətləri gərginləşib. Bu da təbii ki, öz nəticəsini göstərməkdədir. Onun xarici siyasəti Türkiyənin düşmənlərinin sayını artırıb. Hətta bir çox dost dövlətlər də indi Türkiyəyə düşmən kəsilib. Ərdoğanın adı indi terrorçularla əməkdaşlıqda belə halandırılır. Bu, utancvericidir. Xarici siyasəti kimi daxili siyasəti də bərbad vəziyyətdə olan bu şəxs ölkədə molla rejimi qurub, milli qüvvələri tamamilə məhv edib, millətçi hərbçilər, Ergenekonçular hələ də basqı altında, həbsxanadadırlar. Türkiyə bu gün təklənmiş vəziyyətdədir. Ölkə daxilində isə müxalifət sıradan çıxarıldığından AKP çetesi hakimi-mütləqdir.

Siyasi şərhçilərin fikrincə, hazırda Türkiyədə terror aktlarının baş verməsinin 3 səbəbi var. Birinci səbəb dövlətin, daha doğrusu, Ərdoğan hökumətinin yürütdüyü iqtisadi, siyasi, ictimai, milli siyasətin qüsurları ilə bağlıdır. Yəni, terrorçular danışıq, dinc və sövdələşmə yolu ilə əldə edə bilmədiklərini terror yolu ilə əldə etmək istəyirlər. İkinci səbəb xarici dövlətlərin Türkiyəni parçalamaq, məhv etmək istəyidir. Baxmayaraq ki, Türkiyə NATO-nun üzvüdür, güclü ordusu, güclü iqtisadiyyatı var. Amma əsrlər boyu davam edən türk dövlətinin parçalanması və məhvi siyasəti Rusiyanın geosiyasi məqsədlərindən biridir və davam edir.

Üçüncüsü də onunla bağlıdır ki, Türkiyənin hüquq-mühafizə orqanları kifayət qədər səmərəli işləmir. Baxmayaraq ki, Türkiyə Daxili İşlər Nazirliyi, jandarmeriya və təhlükəsizlik xidməti çox güclüdür. Amma görünür, terrorun qarşısını almağı bacarmırlar. Türkiyədə törədilən terror aktları bu üç səbəbdən qidalanır.

İstanbulda törədilən son terror aktının hansısa hadisələrlə əlaqələndirilməsi üçün sözsüz ki, müəyyən əsaslar da var. Amma daha mühüm amil ölkənin daxili ictimai-siyasi, sosial-iqtisadi vəziyyətidir.

Bu gün yad güclər, türk düşmənləri Türkiyə dövlətini məhv etmək istəyirlər. Turizm sektoruna ağır zərbələr vurmaq, xaricdə Türkiyənin sabit, əmin-amanlığın hökm sürdüyü dövlət imicini dağıtmaq, vətəndaşlarda dövlətin gücünə olan inama şübhə toxumu səpmək, insanları qorxutmaq, Türkiyəni hansısa güzəştlərə məcbur etmək istəyirlər. Bu qüvvələr Türkiyənin bədxahları, Türkiyəni, onun dövlətini sevməyən qüvvələrdir.

Bu gün başda ABŞ olmaqla, Almaniya, Britaniya, Fransa, İsrail, Rusiya, İran, Suriya, Səudiyyə Ərəbistanı, Yunanıstan, Ermənistan və başqa dövlətlər Türkiyə ilə gərgin münasibətlərdədir. Onların bəziləri tarixən Türkiyəyə düşmən kəsilib. Bəzilərini isə Türkiyə ilə Ərdoğan düşmən edib. Dostlar, müttəfiqlər düşmənə çevrilib. İndi bu dövlətlərin bəzilər ilə , məsələn Rusiya və İsraillə münasibətləri qaydaya salmağa cəhd göstərilsə də, münasibətlərdəki etibarlılığı bərpa etmək üçün hələ uzun zaman lazımdır. Təkcə dövlətlər deyil, terror təşkilatları da Türkiyəni hədəfə alıb. PKK azmış kimi Ərdoğanın sayəsində İŞİD də Türkiyəyə düşmən kəsilib.

Artıq İstanbulun Atatürk Hava Limanında dəhşətli terror hücumları həyata keçirən terrorçuların hansı ölkə vətəndaşları olduqları və hücumu necə həyata keçirdiklərinin təfərrüatları ilə üzə çıxıb.
Türkiyə KİV-lərinə məlum olan bu təfərrüatlar təhlükəsizlik orqanlarının hava limanının təhlükəsizliyinin təmin edilməsinə dair yetərli peşəkarlıq nümayiş etdirmədiyini də göstərir.
Məlum olub ki, terrorçulardan biri milliyətcə çeçen olmaqla Rusiya vətəndaşı, digər ikisi isə Özbəkistan vətəndaşıdır. Onlar Türkiyəyə 32 gün əvvəl İŞİD-in “paytaxtı” Rakka şəhərindən göndərilib. Terrorçular İstanbulun Fatih Horhor səmtində çoxmərtəbəli binada mənzil kirayələyib.
İstanbul Atatürk hava limanında 42 nəfərin ölümü və 239 nəfərin yaralanmasına səbəb olan üç terrorçu kamikadzedən biri Dağıstan əsilli Rusiya vətəndaşı Osman Vadinovdur.


Onu da qeyd edək ki, Türkiyədə yaşanan məlum terror hadisəsindən sonra gərginlik davam edir. Türkiyəli millət vəkili Ərən Ərdəm hakim partiya AKP-nin İŞİD-lə əlaqələrini sübut edən sənədləri nümayiş etdirib. Sənədlərin göstərildiyi video qısa zamanda sosial şəbəkələrdə böyük maraq yaradıb.
CHP İstanbul Millət vəkili Eren Erdem, İstanbul Atatürk Hava limanı xarici xəttlər terminalında reallaşan hücumun ardından IŞİD-in Türkiyə quruluşlanması haqqında danışması TBMM Baş Məclisinin qarışdırıb.

Erdem AKP ilə IŞİD arasında əlaqə olduğunu iddia edir.
Türkiyədə IŞİD-lə əlaqəli 14 ayrı istintaq işinin icra edildiyini ifadə edən Ərdəm deyib ki, İŞİD Türkiyədə təşkilatlanmaqdadır.
O, bildirib ki, İŞİD-çi İ.B. 2011-ci ildən etibarən Türkiyədən Suriyaya 1800 terrorçu keçirib: “İ.B.-nın danışıqları var. O deyir ki, mən bir ünvan söyləyəcəyəm, sizi oradan avtomobil götürəcək. O, ünvan verir, ertəsi gün avtomobil gedir, onları alır və terroçularSuriyaya gedir. Hanı, haradadır təhlükəsizlik? Faylı verim araşdırın birlikdə görək. Antepdə IŞİD-ə qatılmaq istəyənlərə “Bu oteldə qal, biz səni göndərəcəyik” deyilir. Sonra adam oraya gedib o oteldə qalır ertəsi gün avtomobilə minib Suriyaya gedir.
Keçdiyimiz aylarda sərbəst buraxılan Əbu Hanzalayı xatırladan Ərdəm deyib: "Bu şəxsin adı 3 ayrı istintaqda keçir. Əfqanıstanda Əl-Qaidə quruluşlanması faylında adı var, Türkiyədə terrorçu yetişdirdiyi iddiası var, Suriyada mərkəz düşərgə dedikləri Rakkaya Türkiyədən terroçu göndərmiş, evində axtarışlar zamanı silah-sursat tapılıb və bu adam sərbəst gəzib dolanır. Alimlər, tələbələr, jurnalistlər həbsxanada amma bu kəslər sərbəstdir. Soruşuram, bunun adı nədir? "
IŞİD-in Türkiyədə təbliğ edildiyini ifadə edən Ərdəm deyib: "Əlimde IŞİD-in jurnalı var və 5 sayını çıxarmışlar. IŞİD bu jurnalla təşkilatlanır, kitab evi jurnalları hücrələrə göndərir, dövlətin bundan xəbəri var. Bu jurnalın basıldığı mətbəə daxil heç bir yerdə əməliyyat aparılmır.

Digər tərəfdən Ankara hücumunun baş məsulu İ. B. 'Məni tapmaq istəyən bura gəlsin' deyir. Bu kürsüdə bir millət vəkili çox iddialı bir söz deyirəm, bunların belə olmadığını isbat etməyən şərəfsiz, namussuzdur. Bu komissiyası qurun, əgər mən bunu ispat etməsəm, şərəfsiz, namussuzam, buna sözə verirəm. On min səhifəlik sənəd var. Çox sadə bir sual soruşuram, MİT TIR-ları faylındakı gizliliyi nədən aradan qaldırmırsınız? Hər kəsi “paralelçi” adlandırısız. Davudoğlu o TIR-rlar türkmənlər üçün gedir deyirdi, ancaq bu sizing biznesinizdir. O TIR-lar vallah türkmənlərə heç nə aparmır. Bu ziddiyyəti müzakirə etmək qadağan olunub”.


CHP-çi Erdem bu sözlərlə çıxışına davam edib:
"Hz. Əliylə Müaviyə arasında yaşandığı iddia edilən bir hadisə var. Kufə Ali tərəfdarılarının yaşadığı bir şəhərdir, Şamda da Müaviyə validir. Kufədən bir Ərəb dişi dəvəyə minib Şama gedir, Şamın girişində bir Şamlı gəlir və “O dəvə erkəkdir və mənimdir” deyər. Kufəli buna etiraz edincə Şamlı “Gəl gedib Şamda validən soruşaq” deyir və və Müaviyənin yanına gedərlər. Müaviyə isə xalqı yığır, tərəfləri dinləyir və “Mən də bu dəvənin erkək olduğuna və şamlinin olduğuna inandım” deyib xalqadan da soruşur, onlar da eyni şəkildə “Dəvə erkəkdir və Şamlınındır” deyincə Müaviyə Kufəyə getmək üzrə yola deşəm kufeliyə “Get Əliyə söylə, Şamda dişi dəvə ilə erkək dəvəni ayırd edə bilməyən, Müaviyə nə desə ona beyət edən 10 min adam var” deyir. Bu gün Türkiyədə də bu durumdir. Biz nə desək, deyirlər səhv deyirsiniz".
Bu arada onu da qeyd edək ki, Ankarada 100 adamın həyatını itirdiyi terror hücumu ilə bağlı aparılan istintaq çərçivəsində İŞİD-in Türkiyəni hədəf seçməsinə dair ilginc yazışmalar ortaya çıxıb. Bu yazışmalarda İŞİD-in Türkiyəyə müharibə elan etdiyi, qardaş ölkənin hava limanlarını da hədəf olaraq seçdiyi məlum olub.

Bildirilir ki, İŞİD-in Gaziantep Əmiri ilə Suriyada yaşayan Türkiyə vətəndaşı İlhami Balı arasındakı şifrəli yazışmalarda Türkiyəni sarsıtmaq üçün terror aktlarının həyata keçirilməsinə dair konkret təlimatlar var.

Yazışmalardan birində deyilir:

“… Lakin Türkiyə bizə (İŞİD-ə) müharibə elan etdi, qardaşlarımızı, bacılarımızı, yollarda tutub ölkələrinə göndərir. Biz də elan edirik dedi, vurun deyir; mən də kimi dedim? Əlinizdəki hazır proqramı olan PKK, turistik bölgə, Türk əsgəri, hərbçisi – heç fərq etməz deyir, qardaşım neçə dənə cihadçı istəsən, adam göndərəcək. Möminlərin ürəklərinə su səp qardaşım. İstəsən PKK-nı, istəsən Türkiyəni, istəsən turistik bölgələri vur ki, biz də bir az sevinək”.

Türkiyə mətbuatı yazır ki, bu yazışmalarda Türkiyənin bir sıra dövlət obyektlərinin, o cümlədən hərbi hissələrin, jandarmeriyaların, hava limanlarının vurulmasına dair təlimatlar əks olunub.

Göründüyü kimi, Ərdoğan Türkiyəni uçurumun kənarına gətirib. Türkiyə düşmənləri tam gücü ilə hücum keçib. Bir tərəfdən saxta erməni soyqırımı tanınır, bir tərəfdən Qərb dövlətləri bütün mümkün vasitələrlə Türkiyəni sıxışdırır, digər tərəfdən də terrorçular. PKK-nın Türkiyədə axıtdığı qanlar azmış kimi, artıq bir ildir ki, 6 aydan çoxdur ki, İŞİD terrorçuları Türkiyədə dəhşətli qətliamlar törətməyə davam edirlər. Türkiyənin uçuruma yuvarlanmamasının tək yolu Ərdoğanın istefa verib hakimiyyətdən getməsi, sağlam qüvvələrin hakimiyyətə gələməsidir.



Samir

gundemxeber.az